iPad Screenshots

Description

Orðaflipp er íslenskt sköpunarforrit fyrir skáld framtíðarinnar.
Forritið, sem er hannað af grunnskólakennara, byggir á hugmyndum um handahófskenndar kveikjur í skapandi skrifum. Slík opin verkefni með engum ákveðnum svörum eru til þess gerð að örva sköpun og frumleika í hugsun.
Orðaflipp veitir því tækifæri til að hugsa út fyrir boxið, fylla hausinn af hugmyndum og skemmta sér. Auk þess að vera öflugt sköpunartól þá getur það bætt orðaforða og þjálfað málfræði.
Orðaflipp er þannig gagnlegt tól fyrir skapandi skrif, byrjendalæsi og almenna íslenskukennslu.

UMSAGNIR
"Þetta forrit er algjör snilld. Ég var búin að leita lengi að íslensku forriti sem sonur minn gæti notað til þess að æfa sig að lesa, en hann er lesblindur. Í Orðaflippi geta krakkar leikið sér með heil orð, en ekki einstaka stafi og hljóð en margir sérfræðingar halda því fram að lesblindir þurfi að læra orðmyndirnar (orðið í heild sinni) til þess að geta lesið það, það passar alveg við mína reynslu. Annað sem hentar sérstaklega vel fyrir lesblinda er að það er hægt að breyta gerð og lit á letrinu, bakgrunninum og síðast en ekki síst er hægt að myndskreyta. Svo er Orðaflipp bara svo sniðugt og skemmtilegt. Frábært fyrir alla krakka."
--- Rakel Rún - grunnskólakennari

UMSAGNIR UM ENSKU ÚTGÁFUNA
Smart Apps For Kids: 4/5 Stars
"Best Writing app for kids"

iHeart This App
"A great app that provides kids with the tools to create a book or journal."

Fun2Tap: 5/5 Stars
"ingenious way to give kids a little boost in the storytelling direction"

HVERNIG VIRKAR ORÐAFLIPP?
Flipparinn byrjar á því að velja sér eitt eða fleiri orðaþemu til að gefa tóninn. Við það veljast orð af handahófi úr völdum þemum og það er hlutverk notandans að gera eitthvað skemmtilegt við þessi orð.
Saman geta þessi orð skapað myndir í huganum og gefið notandanum innblástur.
Ef notandinn fékk orðin vélmenni, fótbolti, tröll, fjársjóður, slímugur og sköllóttur þá gæti hann sagt frá sköllóttu vélmenni í fótbolta eða slímugu trölli með fjársjóð. Allt eftir því hvernig orðin tala til hans.
Orðaflippið getur staðið eitt og sér sem ljóð, brandari eða saga eða hægt er að nota það sem innblástur að stærra verki t.d. næstu metsölubók.
En það eru ekki bara orðin sem gera Orðaflipp skemmtilegt. Þú getur breytt litum á orðum, spjöldum og bakgrunni, valið úr fjölda bakgrunnsmynda og skreytt verkið með fjölbreyttum smámyndum.

INNIHELDUR
• Yfir 5000 orð
• 7 orðaþemu
• Öll orð koma í öllum mögulegum myndum t.d. eru
o Nafnorð í öllum föllum, eintölu og fleirtölu
o Sagnorð í öllum tíðum
o Lýsingarorð í öllum stigum og kynum
• 200 klippimyndir til að skreyta
• Fjöldi bakgrunnsmynda
• Ótakmarkað litaval
• Mikill fjöldi leturgerða
• Hægt að stækka og minnka stök orð
• Hægt að eyða út og bæta við orðum
• Hægt að bæta við eigin orðum

KENNARA OG NEMENDAAÐGANGUR
Í kennaraaðganginum er að finna verkefnasmið sem má nota til að búa til sérhæfðari verkefni. Kennarinn velur orð úr gagnagrunni til að nota í verkefnið eða setur inn eigin orð t.d. orð sem nemendur eru að vinna með í byrjendalæsi. Hægt er að afrita texta úr öðrum skjölum, t.d. ljóð eða fréttir og verkefnasmiðurinn skiptir textanum niður í stök orð. Kennari skrifar lýsingu á verkefninu og stillir hvaða hópar geta unnið verkefnið. Verkefnið getur t.d. verið að raða orðum upp í réttir röð (ef um er að ræða þekkt ljóð), semja eigið ljóð úr orðunum, mynda setningar eða velja orð sem eru af ákveðnum orðflokkum eða gerðum. Allt eftir aldri, getu og hvað kennari/nemendur vilja gera þá stundina.

Til að komast inn í þessi verkefni þá þarf nemandi að fá aðgangsorð hjá kennaranum. Eftir að hafa skráð sig inn þá sér nemandinn öll verkefnin sem eru tengd þessum aðgangi. Hann velur verkefni og þá opnast það í sama vinnuumhverfi og venjulegt orðaflipp. Þegar verkefninu er lokið þá getur nemandinn sent mynd af því til kennarans með tölvupósti.
Til að nota þennan hluta Orðaflipps þarf að hafa aðgang að internetinu.

Orðaflipp var styrkt af þróunarsjóði námsgagna.

What's New

Version 2.1

Uppfærsla á stærri innsláttarsvæðum þannig að þau lagi sig að lyklaborði.
Því ætti innsleginn texti ekki lengur að vera falinn á bakvið lyklaborð.

Ratings and Reviews

Reynir18

Frábært forrit fyrir unga sem aldna textasmiði

Einstakt forrit sem leyfir sköpunargleðinni að njóta sín við ýmiskonar textasmíði og hvetur mann til dáða. Ekki sakar að auka aðeins við orðaforðann í leiðinni og ná betri tökum á málinu.

Glóa

Eygló

Ég keypti þennan leik handa barnabörnunum mínum þegar þau koma í heimsókn og að sjálfsögðu þurfti ég að prufa til þess að vita hvað hann gengur út á. Það gekk mjög vel og við erum búin að semja fullt af sögum, setja inn myndir og skemmta okkur mikið við að skrifa sem skrítnustu sögurnar. Frábært og skapandi forrit.

Information

Seller
Gebo Kano ehf.
Size
116.2 MB
Category
Education
Compatibility
Requires iOS 8.1 or later. Compatible with iPad.
Languages
English, Arabic, Armenian, Catalan, Czech, Danish, Dutch, Finnish, French, German, Greek, Hebrew, Hungarian, Icelandic, Indonesian, Italian, Japanese, Korean, Malay, Norwegian Bokmål, Polish, Portuguese, Romanian, Russian, Simplified Chinese, Slovak, Spanish, Swedish, Thai, Traditional Chinese, Turkish
Age Rating
Rated 4+
Copyright
© 2014 Gebo Kano ehf.
Price
USD 6.19
In-App Purchases
  1. Kennaraaðgangur USD 18.59

Supports

  • Family Sharing

    Up to six family members will be able to use this app with Family Sharing enabled.

More By This Developer

You May Also Like