Screenshots

Description

Met AfriForum se splinternuwe, gratis toep is jou gunstelingburgerregte-organisasie wat praat én doen bloot ’n armlengte van jou af – wanneer en waar jy ook al is en selfs al skei die oseane jou van jou vaderland.

En ja, jy het reg gelees: dié toep is heeltemal gratis (buiten natuurlik jou datakostes)!

Sodra jy jou inligting ingevul het (onder andere jou AfriForum 911-bandjienommer) kan jy gerus kom loer wat die toep jou alles bied. Registrasie is maklik en vinnig, en jy kies boonop jou eie wagwoord (makliker om te onthou, sien). En as jy eers ingeteken het, gaan die AfriForum-wêreld voor jou oop – gebruikersvriendelik en boonop interaktief.

Ons afdeling vir mediaverklarings hou jou op hoogte van wat ons alles doen: van selfdoen-aksies en munisipaliteite op hul tone hou, tot besprekinge met en memorandums aan universiteite om Afrikaans sovêr moontlik te beskerm. En dis maar net ’n druppel in die emmer van wat ons alles aanvang.

Ons nuusafdeling Forum Nuus hou jou op hoogte van nuus wat met jou, AfriForum en die Afrikanervolk verband hou, onder andere artikels wat in ons Forum-tydskrif verskyn (en hier dus vinniger beskikbaar is!). Ander afdelings nooi jou uit om stories van ander AfriForum-lede uit die perd se bek te lees, terwyl ons gebeureblad jou op hoogte hou van gebeure in en om die AfriForum-wêreld. En as jy nie ’n kranige leser is nie en eerder van kort video’s hou, is ons video-afdeling nét die plek vir jou.

Is jy ’n skrywer? Maak los jou duime en laat jou kreatiewe kant na vore kom: hier is selfs ’n plekkie waar jy jou eie stories kan vertel en kiekies kan oplaai. Vertel ander wat jou AfriForum-tak alles beplan en waarmee julle julself besighou. Stories is mos soos kooltjies: hoe meer kooltjies, hoe meer vuur – dalk inspireer jou storie ’n ander tak, of lei selfs tot die stigting van méér AfriForum-takke.

Toe nou, man: laai die toep af. Dis maklik, dis vinnig, en altyd beskikbaar. Niks meer as ’n armlengte vêr nie.

(To our English users: although the app is only available in Afrikaans – for now – you are still welcome to write your comments and stories in English.)

What’s New

Version 1.0.8

Die klein goggas wat ons toep gekortwiek het, is nou bokveld toe gestuur. Kom loer gerus in – alles is nou klopdisselboom!

Information

Seller
WARP DEVELOPMENT CC
Size
10.9 MB
Category
News
Compatibility
Requires iOS 8.0 or later. Compatible with iPhone, iPad, and iPod touch.
Languages
English
Age Rating
Rated 12+ for the following:
Infrequent/Mild Alcohol, Tobacco, or Drug Use or References
Copyright
© Afriforum
Price
Free

Supports

  • Family Sharing

    With Family Sharing set up, up to six family members can use this app.

More By This Developer

You May Also Like